ՀՀ Գեղարքունիքի մարզի Ակունք գյուղի միջնակարգ դպրոցում տեղի ունեցավ հայոց բանակի կազմավորման 30-ամյակին նվիրված միջոցառում։Ներկայացվեց հայոց բանակի անցած դժվար ճանապարհը, նրա կազմավորման օրից մինչև օրս։Արցախյան 44-օրյա պատերազմում էլ մեր տասնութամյա զինվորները կռվեցին անձնուրացորեն`չխնայելով սեփական կյանքը։ Կորուստները շատ էին,անդառնալի,բայց…դա վերջն էր մի նոր սկզբի։Ավարտվել է մարտը,պատերազմը դեռ տանուլ տրված չէ։ Ժամանակն է բռունցքվելու,հզորանալու,մեր կորցրածը ետ բերելու։ Մեր լավագույն վրեժը պետք է լինի հզոր,միաբան եւ ապահով հայրենիք ունենալը։Հայաստանում զինվոր է ամեն մի հայ,եւ հերոս է ամեն զինվոր`շարքայինից մինչեւ գեներալ։ Հավերժ փառք եւ հիշատակ մեր սուրբ նահատակներին։ Մեր խոնարհումը հերոսածին ծնողներին։ Ոչ ոք չի մոռացվել,ոչինչ չի մոռացվել…

Փառք ու պատիվ հայ զինվորին։

Փառք ու պատիվ մեր բանակին։

Տոնդ շնորհավոր,հա’յ զինվոր։

Միջոցառումը կազմակերպել էր ԴԱԿ Ն․ Հարությունյանը, աշակերտական խորհուրդը։

1

                             ՀԱՅՏԱՐԱՐՈՒԹՅՈՒՆ

«ՀՀ  Գեղարքունիքի մարզի Ակունք գյուղի միջնակարգ դպրոց»ՊՈԱԿ -ում առկա է  ֆիզկուլտուրա /10 դասաժամ/ և  ռուսաց լեզու /9 դասաժամ/  առարկաների  ուսուցչի թափուր տեղ: Նշված առարկաների  դասաժամի  թափուր տեղի համար հայտարարել մրցույթ:

Մրցույթին մասնակցելու համար անձը տնօրենի կողմից  նշանակված պատասխանատու  աշխատակցին է ներկայացնում`

1. դիմում Ձև 1
2. Բարձրագույն կրթության մասին փաստաթուղթ /դիմում/
3. անձնագիր
4. աշխատանքային գրքույկ
5. մեկ լուսանկար` 3*4 չափսի
6. այլ պետություների քաղաքացիները` ՀՀ աշխատելու իրավունքը հաստատող  փաստաթուղթ.
7. ՀՀ արական սեռի քաղաքացիները ներկայացնում են նաև զինվորական գրքույկ.
8. հրատարակված հոդվածների ցանկ  կամ  գիտական  կոչումը հավաստող  փաստաթղթեր  /դրանց առկայության  դեպքում/.
9. որակավորման տարրակարգ / առկայության դեպքում/:

Տնօրենի կողմից նշանակված պատասխանատու անձը ներկայացված  փաստաթղթերի բնօրինակները  համեմատում է  պատճենների հետ և բնօրինակները վերադարձնում:

Մրցույթին  մասնակցելու համար փաստաթղթերի ընդունումը 2021թ. մայիսի    26-ից  մինչև   2021թ.  հունիսի  9-ը ներառյալ:

Մրցույթի օր նշանակել  2021թ.  հունիսի   16-ին  ժամը 13⁰⁰-ին:

Հեռ. 077-87-86-41

«ՀՀ  Գեղարքունիքի մարզի Ակունք գյուղի միջնակարգ դպրոց»ՊՈԱԿ

Տնօրեն`                        Լ.Ավագյան

Խոսք հիշատակի

2020թ. նոյեմբերի 8-ին  կյանքից  հեռացավ Գեղարքունիքի մարզի Ակունք գյուղի միջնակարգ դպրոցի  վաստակաշատ ուսուցիչ  Հայկ Խաչատուրի Թադևոսյանը։

Հայկ Խաչատուրի Թադևոսյանը  ծնվել է 1939թ.Գեղարքունիքի մարզի  Ակունք գյուղում:

1966թ. ընդունվել է աշխատանքի Ակունք գյուղի դպրոցում` որպես մաթեմատիկայի ուսուցիչ:

2008թ անցել է վաստակաշատ հանգստի:

Հայկ Խաչատուրի Թադևոսյանը իր ամբողջ գիտակցական կյանքը նվիրել է իր սիրած գործին` մատաղ սերնդի կրթությանը և դաստիարակությանը:

Հայկ Խաչատուրի Թադևոսյանը ապրեց մտավորականի անբասիր կյանքով և իր ընկերների, սաների, իրեն ճանաչող յուրաքանչյուր ակունքցու հուշերում կմնա որպես  անաչառ, բարի ու ազնիվ անհատականություն։
Ակունքի միջնակարգ դպրոցի կոլեկտիվն  իր վշտակցությունն է հայտնում Թադևոսյան ընտանիքի անդամներին` հավաստելով, որ նրա անունը միշտ կմնա դպրոցի պատմության մեջ:

Այսօր Ակունքի միջնակարգ դպրոցում իրենց ուսումնառության ճանապարհը սկսեցին առաջին դասարանցիները։ Առաջին դասարանցիներին ողջունեցին դպրոցի ՄԿԱԳ փոխտնօրեն Ա. Յավրյանը և 12_րդ դասարանի շրջանավարտները։
Թեև այս ուսումնական տարվա սկիզբը անսովոր և արտակարգ էր բոլորիս համար, այնուամենայնիվ օրը տոնական դարձրեցինք։
Շնորհավորում ենք բոլոր ուսուցիչներին,աշակերտներին և ծնողներին նոր ուսումնական տարվա մեկնարկի կապակցությամբ։

2020-2021 ուստարվա 1-ին դասարանցիների և նախակրթարանի սաների ընդունելություն :
ՀՀ Գեղարքունիքի մարզի << Ակունք գյուղի միջնակարգ դպրոց >> ՊՈԱԿ-ը կատարում է 2020-2021 ուստարվա 1-ին դասարանցիների և նախակրթարանի սաների ընդունելություն: Դպրոցի առաջին դասարան ընդունվում են այն երեխաները, որոնց վեց տարին լրացել կամ լրանում է տվյալ օրացուցային տարվա դեկտեմբերի 31-ը ներառյալ,իսկ նախակրթարան ընդունվում են այն երեխաները, որոնց հինգ տարին լրացել կամ լրանում է տվյալ օրացուցային տարվա դեկտեմբերի 31-ը ներառյալ
Դպրոց կամ նախակրթարան ընդունվելու համար ծնողը կամ երեխայի օրինական ներկայացուցիչը ներկայացնում է.
1. Դիմում (լրացվում է տեղում)
2. Երեխայի ծննդյան վկայականը (եթե Ձեր երեխան այլ երկրի քաղաքացի է, հարկավոր է ներկայացնել նոտարով հաստատված ծննդյան վկայականի թարգմանությունը)
3. Ծննդյան վկայականի պատճեն
4. Երկու լուսանկար (3×4 չափի)
5. Տեղեկանք պետական ռեգիստրում հաշվառման մասին (անձնագրային բաժնից)
Մանրամասների համար զանգահարել
Մ. Գևորգյանին՝ 093406504

Խոսք հիշատակի

2020թ. փետրվարի 3-ին  կյանքից անժամանակ հեռացավ Գեղարքունիքի մարզի Ակունք գյուղի միջնակարգ դպրոցի  վաստակաշատ ուսուցիչ, երկարամյա ուսմասվար  Համբարձում Աշոտի Խաչատրյանը։

Համբարձում Աշոտի Խաչատրյանը ծնվել է 1954թ.Գեղարքունիքի մարզի  Ակունք գյուղում:1961- 1971թթ սովորել  է Ակունք գյուղի միջնակարգ դպրոցում:1971-1975թթ-ին ուսանել է Երևանի Խ. Աբովյանի անվան պետական մանկավարժական ինստիտուտի Գորիսի մասնաճյուղի մաթեմատիկայի ֆակուլտետում:1975թ. ընդունվել է աշխատանքի Ակունք գյուղի դպրոցում` որպես մաթեմատիկայի ուսուցիչ:1992թ.ից մինչև 2018թ.  եղել է Ակունք գյուղի միջնակարգ դպրոցի ուսմասվար:  Թոշակի անցնելուց հետո, թողնելով ուսմասվարի պաշտոնը, աշխատել է որպես մաթեմատիկայի ուսուցիչ:

Հ. Ա. Խաչատրյանը իր ամբողջ գիտակցական կյանքը նվիրել է իր սիրած գործին` մատաղ սերնդի կրթությանը և դաստիարակությանը::Իր զուսպ, զգացմունքային,բայց միևնույն ժամանակ խիստ հայացքի ներքո կրթվել ու դաստիարակվել են հարյուրավոր աշակերտներ։ Համբարձում  Խաչատրյանը,ապրեց մտավորականի անբասիր կյանքով և իր ընկերների, սաների, իրեն ճանաչող յուրաքանչյուր ակունքցու հուշերում կմնա որպես  անաչառ, բարի ու ազնիվ անհատականություն։
Ակունքի միջնակարգ դպրոցի կոլեկտիվն  իր վշտակցությունն է հայտնում   Խաչատրյան ընտանիքի անդամներին` հավաստելով, որ նրա անունը միշտ կմնա դպրոցի պատմության մեջ: